Hymn' Idealistëve nga E. Kaceli

Ne erdhëm nga hiçi
i hiç-kohës pa diell
direkt nga burg -jeta
e vendit pa qiell!
 
Dhe jetuam fort
mos -jetën e trazuar
ushqyer marksizëm
gjithëherë t'mashtruar
 
Marksizmin në gjak
në vena, droguar,
e vidhnim nga fyti
në fundjetë mbijetuar!
 
Kur erdhi çasti
i ndryshimit të madh
ne prapë në baltë
mashtruesit në mal!
 
Mashtruesit  e djeshëm
në malin më të lartë
të mashtruarit e mjerë
prapë zhytur në baltë!
 
Ne ishim, ata
që nuk do të jenë kurrë
një grusht idealistësh
që na vranë me gurë...