Herojntë e Gopit! -satirë nga E. Kaceli

Ju erdhët si trima:
Përpara! Fitore!
brekët nëpër këmbë
zutë dhe dashnore!
 
Brekët nëpër këmbë
në zyra hotele
Ju ishit heronj!
Brekët bërë zhele!
 
Lule more trima
mor Burra të Shtetit
kryet iu ha vrima
në zyrat e Dovletit
 
Një Pango i math'
një Shukri horror,
Safeti në gojë
Sokoli me dorë!
 
Tigër ndezur zjarr
Ahmetaj burrnori
kur si ngrihej bishti
Ndizej vibratori!
 
Me brekët e shqyera
mbërtheckat firmato
djegë për dashuri
me gjithë mandate
 
Ju kish' rritë Partia
për një jetë të re
Lule more meshkuj
ju ratë për Atdhe!
 
Pshurrët e shkërdhyet
mandatet e popullit
trimat e Partisë
Ju Heronjtë e Gopit!
 
Por ju jeni burra
këngë iu thur' populli
"Trimat i merr topi
meshkujt i ha Gopi!"

Wildlife: Zogu i Shenjtë dhe i legjendave! Nga E. Kaceli

Upupa (Upupa epops)

Për kush është i dhënë, me "mish e shpirt" pas fotografimit të jetës së egër, fotografimi i një specieje për herë të parë, dhe se në mungesën cilësisë së lartë, merr një rëndësi të veçantë! Është si një lloj sfide me veten: Ja dhe këtë e futa në arkiv!
Në këto fotot e mëposhtme, jo me shumë cilësi për shkak të largësisë,(më ndante një lum mjaft i gjerë e i thellë nga vendi i fotografimit) unë shikoj jo vetëm pasionin tim por edhe pasionin e dhjetëra miqve të mij fotografë të botës së egër, që gëzohen, si edhe unë, në këtë rast, kur realizojnë ëndrrën.
 
Por a e dini pse koleksionimi këtij zogu ka një rëndësi të vetme për fotografin e botës së egër?
 
Ky zog me kreshtën tepër të veçantë mbi krye, ka frymëzuar, në shekuj, artistë, poetë, e banorë të të gjithë botës që nga antikiteti i hershëm e deri në ditët tona!
E përmendur në veçanti në Librat e Shenjtë (Bibla dhe Kurani), në tekstet Sufi (nga dijetarë myslimanë), ky zog zë vend nderi gjithashtu në letërsinë greke, Aristofani, apo në veprat e poetëve të shquar italianë Ugo Foscolo e Eugenio Montale!
Në Egjiptin e lashtë ky zog mbahet si i shenjtë, e në këtë cilësim ishte super i mbrojtur. Ndalohej në mënyrë të veçantë vrasja e tij për çfarëdo lloj destinimi!
Në Kuranin e Shenjtë të besimit mysliman, upupa pati detyrën e ndërlidhësit mes mbretit Salomon dhe mbretëreshës Saba (Bilqis). Nëpërmjet upupës Salomoni i dërgoi një mesazh Sabas (adhuruese e diellit) për kthimin në besimin në Zotin e Vetëm!
Grekët e Romanët e cilësonin si zog mbretëror, për nga elganca dhe kreshta, duke e krahasuar  me fisnikërinë e shpirtit!
Komediani grek Aristofani në komedinë e tij "Zogjtë" e cilëson si mbretin e krijesave me krahë! (krijesat mitologjike me krahë)

Kryengritja e kungujve nga E. Kaceli

 

Kryengritësit  Foto E. Kaceli

Hoqën dorë nga lozet.
Çanë ferrat e gardhit.
Dolën në rrugë të madhe.
 
(Kunguj shumëngjyrësh,
kunguj të kuq, kunguj blu,
kunguj rozë, kunguj jeshilë, të verdhë
kunguj gjithëfarë formash,
kunguj të bukur, hijerëndë
kunguj të shëmtuar

Natyrisht në krye kungujt më të zgjuar)
 
Në unitet kungullor morën rrugën e madhe...
 
Habituni!
-fjala është për Kryengritjen e Kungujve
në Vitin Bujqësor.
 
Kunguj të Jashtëzakonshëm
Kunguj Kryengritës.
 
Rrugës së madhe drejt e në treg
Aty i priste kopshtari!