Premtim... nga Edmond Kaceli

Kur dielli të shkrihet

Të shkrihet,

                     të shuhet,

                                     të mos jetë më

Kur dielli të shuhet

të mos jetë kurrë më

Pranë teje do të vij,

                               do të ndizem

                                                       do të digjem

Pranë teje do të jem

Vendin e diellit  të zë...

I dehur...

Mbushi gotën me ajër.

E piu me fund.
(I pat munguar prej kohësh.)

Marrakëmbësh
u nis për udhë.

E. Kaceli
nga vëllimi "Kur u mbaruan përrallat për fëmijë"

Erdhën mushkonjat

nga E. Kaceli

Erdhën dallëndyshet.

Sipas një ligji të vjetër poetik

pranvera nuk pranon lajmëtar tjetër.

Po nuk erdhën dallëndyshet, logjikisht,

as pranvera nuk mund të vijë.

Ndërkohë

                  pranvera ka ardhë para kohe.

Pranvera ka gabuar përsëri...

Erdhi pranvera.

Sipas një ligji të vjetër natyral.

Erdhën...

Sipas një ligji të ri poetik:

Po nuk erdhën dallëndyshet, logjikisht,

mund të vijnë, p.sh. mushkonjta.

Erdhën mushkonjat.

Në ardhjen e tyre ndjejmë pranverën...