Lexues

venerdì, marzo 15, 2024

Ferri ... nga E. Kaceli

L'inferno (Ferri) Krjuar me IA nga @Kaceli

Nëse dashuria jote është fati im
lermë të jetoj në ëndërrën tënde
Nëse ti je Ferri, më bëj vend
Parajsa bosh nuk më duhet!

Nëse zemra jote është Parajsa
lërmë të fluturoj lart e'
të rrëzohem nën këmbët e tua
aty, në burg -parajsën e vërtetë

Nëse trupi yt është dëshira
lermë të përkëdhel frymën tënde
Ti fati im -ferri im dhe'
fryma, e shpirtit tim pa fat

Nëse zëri yt është këngë
më lër t'ia dëgjoj magjinë zërit
Sirenë e Odiseut -mbytëm fort
der' të vdes në kurthin e ëndërrës tonë

Nëse Ferri janë sytë e tu
at'herë le të digjem brenda tyre
E kur zjarri do të shuhet në fund
ka me t'mbetë hija e një kujtimi të djegun.

venerdì, febbraio 16, 2024

Mbeti veç Dheu! poezi nga E. Kaceli

Trokitje ne bosh (Krijuar me IA nga @KaceliE)
(Kushtim: Babës, Rrok Kaceli)

Në shtëpinë e Babës, i Zoti i Shpisë nuk është më!
Mos thirrni kot! S'ka britma fëmijësh
                                                        në oborr
Heshtja dhe pemët që thahen për ujë
plotësojnë peizazhin shkretan.
 
Në shtëpinë e Babës, ikëm të gjithë
E fundit mbylli derën e dhimbjes Nëna!
(Nënën e morëm me vete
me një biletë të ftohtë avioni në qiellin e lotit)
Në Mëmë'Dheun tim mbeti veç dheu...
 
Në Mëmë e Atë Dheun tim
mbeti veç një shtëpi e pa jetë!
(Lidhur me alarmin e rojeve
që ruajnë Boshllëkun Final)
 
Në derë i varur trokitësi - Kryq Dhimbjet
për miqtë e dikurshëm që bërtisnin nga oborri:
A don miq o i Zoti i Shpisë!
 
Në shtëpinë e Babës, Baba nuk është më!
Në At'Dhe, Ati im u shua prej dhimbjeve...
 
Në Mëmë'Atë'Dheun tim mbeti veç Dheu!
Dheu që na shoqëron ngado...
 
Shkurt 2024

domenica, gennaio 21, 2024

Satirë: Zgjedhimi i foljes që nuk ekziston nga E. Kaceli


Kirurgu i famshem shqiptar sipas AI dhe @Kacelit

Kardilogoj
, koha e tashme, numri njëjës e pastaj shumës!
 
Unë kardiologoj
Ti kardiologon
Ai (ajo) kardiologojnë!
Ne kardiologojmë.
Ju kardiologoni
Ata (ato) kardiologohen!
 
(Në Shqipëri arrestohet një kardiokirug pasi jetonte me tri gra dhe abuzonte me një të mitur me pretendimin se donte të martohej dhe ta bënte gruan e katërt!
Nga ana tjetër ngrihet pyetja legjitime: Ku i merrte paratë për të mbajtur gjithë ato gra! SPAK-u duhet të hetojë urgjentisht!
Shqipëria -vendi i njëmijë e një çudirave!)
 
Janar 2024

domenica, dicembre 24, 2023

Origjina e Bakllavasë nga akademiku E. Kaceli

 


Bakllavaja është me origjinë të theksuar pellazge!
Pasi vdiq Skënderbeu (Gjergj Kastrioti për ne të kshtenët) Bakllavanë na e morën turqit! Madje nuk denjuan të na e dorëzojnë as në 1912 kur Ismail Qemali, shpalli mëvetsinë!

Me rrëzimin e sistemit komunist ua rimorëm përsëri! Dhe e kthyem në origjinë!
Ka qaq shumë bakllavë të akumuluar për Krishtlindje, Vit të Ri e festa të tjera, në gjakun e shqiptarëve sa të gjithë kanë probleme me sheqerin në gjak!

Për faj te Saliut (Berishës) nuk po na e njeh UNESKO si ambëlsinë tipike pellazge!
Qeveria e Skënderbeut të Spiropalit, me SPAK-un në krye po mundohet me çdo kusht të na e kthejë Bakllavanë, duke arrestuar Berishën e lobuar në UNESKO!

Inshallah këto Krishtlindje na japin ndihmën e duhur për këtë çështje kombëtare të origjinës pellazge të ambëlsinës simbol kombëtar! Kështu bashkohemi edhe me Kosovën nëpërmjet Bakllavasë!
Ju paça të gjithëve!
Gëzuar Krishtlindjen, Vitin e Ri, 17 shkurtin e Pavarësisë së Kosovës, Pashkët katolike e ortodokes, Fitër Bajramin, Kurban Bajramin, Ditën e Sulltan Novruzit, 28 -29 Nëntorin, e të gjitha Festat që iu don e Bardha Zemër!

Festoni fort!
Por mos harroni origjinën pellazge të Bakllavasë e luftoni për njohjen nga UNESKO!
Ju paça!

(Ja dhe fotografite festive gjeneruar nga IA, sipas Kacelit -te gjitha te drejtat autorit)







venerdì, dicembre 08, 2023

Fija e Dritës




















Ti je ajo Fija e Dritës
që mban gjallë e ndez shpirtin tem
të plakun moshet
 
Ti je ajo Grimca e Dashtun e Dritës
që mban n'jetë shpirtin tem
trazuem gati n'shumje
 
Ti je Rrezja e Hollë e Dritës
E unë s'jam tjetër gjâ pa ty
vetëm Terri der'n'infinit të Jetës
 
N'fillim të Herës ishte Fjala
Fjala Dritë u bâ
Po të lutem fort:
Ndritma shpirtin pa prâ!

Itali, Dhjetor 2023

domenica, novembre 19, 2023

Foto pamflet: Toka i takon atij që e lëron! -Lezhë 2050 nga E. Kaceli

 Satirë mix: Në vend të një artikulli!

Toka i takon atij që e punon!- Reforma Agrare 1946

"Toka e atij që e punon" dhe "atij që jeton aty" Ligji 7501

(Falenderojmë shokun Enver Hoxha!
Falenderojmë profesor dr. Sali Berisha dhe parlamentin e parë pluralist!
Falenderojmë kryeministrat Edi Rama e Giorgia Meloni!)

Lezhë 2050, zona rurale.






















Imazhe te krijuara me intelegjence artificiale. nga E. Kaceli

sabato, ottobre 21, 2023

Thirrje për miqtë e mij fotografë të botës së egër nga E. Kaceli

-


Në mos paça të drejtë ju kërkoj falje!
 

Prej kohësh, fotografët shqiptarë të natyrës së egër, pjesa më e madhe e tyre jashtëzakonisht të talentuar, e me plot ëndrra, vullnet e pasion të përbashkët për natyrën e trojeve shqiptare, dhe për natyrën e egër në përgjithësi, po kalojnë sëmundjen e ndarjes, që rëndom prek shqiptarët!
Gjithësecili kërkon të lavdërojë veten dhe miqtë e afërt, duke harruar qëllimin e përbashkët të fotografëve të botës së egër që është e mbetet evidentimi i specieve të egra, mbrojtja e tyre dhe habitatit të tyre, shkëmbimi i përvojave, ekspot e përbashkëta promovuese të realizuara në Shqipëri, Kosovë, Maqedoni e më gjërë!

Por kjo dashuri dhe vrull i fillimit është lënë në plan të dytë, apo të tretë!
Po të ndjekësh grupet, nëngrupe, e stërgrupet e krijuara pas suksesit të madh që pati grupi i Albanian Wildlife Photographer, dhe organizata me të njëjtin emër, kupton se përçamja, ka mbërthyer fotografët që mendojnë se gjithësecili është në të drejtën e vet! Por pa qenë të aftë me u ulë me njëri -tjetrin e me shoshitë mosmarrëveshjet!
Secilit në grupin e vet i duket vetja më i miri!

Sa i takon më të mirit kisha me dashtë me thanë se "Unë jam fotografi më i mirë i natyrës së egër këtu ku jetoj! Komuna, një si punë fshati, sipërfaqja 4 km katror, Albaretto della Torre, Itali, numëron 214 banorë! Mos t'iu duket pak se këta 213 banorët e tjerë, i përdorin iphone-t e smartphone-t në mënyrë të përsosun kur bajnë foto! Pra ka konkurrencë të madhe!
Kisha me thanë se jam edhe poeti ma i mirë i këtij fshati të bukur, por ka dalë një djalë i ri, vendali, që shkruan vargje fort ma bukur se unë!
Dhe jam shumë i lumtun, se me më çua rreziku me ra në qytetin më të afërt, Alba, që numëron mbi 31 mijë banorë, nuk e di a më pjerdh kush!

Nuk po diskutoj për vendlindjen time, një tjetër fshat, disi më i madh, (Shënkoll, Lezhë, Shqipëri,) zor se më lënë edhe në vendin e fundit!
Si fotograf, se poet apo gazetar, i kam edhe të paktën nja dhjetë -njëzet të tjerë që rreshtohen para mejet! Gjithmonë në rrethin katror: Pllanë -Zejmen -Shënkoll- Rrilë!

Jena ba ma keq se partitë politike! 30 fotografë, (afërsisht) shqipfolsa, te pasionuar mbas botës së egër ndahna në 50 grupe!
Kujtojme se bota sillet përreth nesh! Bota ka fotografë të mëdhenj të natyrës, sa me mbushë trenat, e na, të gjithë bashkë, as një autobus njëkatësh, nuk e bajmë!
E nuk jena aq të mëdhenj sa na ka hy vetja në hesapë!

Respekt për të gjithë ata që respektojnë pasionin tonë, e respekt për kush ka vullnetin e mirë me kenë të gjithë bashkë edhe kur kemi mendime të kundërta!
Lërini egoizmat se kush ka të drejtë e kush jo; se kush është i pari e kush është i fundit; se kush ka më shumë ndjekës e kush më pak! Kjo na len vetëm në vendnumëro e nuk shkojmë askund!
Jetoni bre, (Për hatër të Zotit dhe Natyrës!) në paqe me natyrën, me vetin, me miqtë, dhe me njerëzit që ju rrethojnë! Se edhe shpendët e një llojit kur fluturojnë në grup ndihen më të mbrojtur, më të bukur, më të fortë!
Ju paça!

Edmond Kaceli
Itali

sabato, ottobre 14, 2023

Tragjedi moderne poezi nga E. Kaceli

Realizuar me intelegjence artificiale @E. Kaceli

Në Vendin tim, në tokën e ikjes, në truallin e dhimbjes
Ikën të gjithë, bashkë me dhimbjen ngarkuar në shpinë
ngadalë, si një pendim gjigand gjatë një meshe kolektive!
në Kishën e Shpresës së Mbytur në heshtjen sublime!

Të parët u larguan njerëzit e zakonshëm, të pabujshmit,
të heshturit e përjetshëm nuk bënë lajm në edicionet pa lajme
Mëmëdheu s'kishte nevojë për shërbimin e tyre pa vlerë!
Statistikat zyrtare heshtën për numrat e panevojshëm.

Në Dheun tënd, të dytët ikën mjekët, përditë nga pak!
I fundit mori rrugën dje me një çantë mjeku në shpinë
të vetmen pasuri ngarkuar në avionin e parë të linjës
në shtetin pa pacientë, nuk kishin nevojë për mjekë!

Në Atdheun tonë, në vendin e heronjve, nuk ka më heronj!
I Mbrami Hero ngarkoi heroizmin në shpinën gjithë plagë
(plagët rridhnin diçka si punë gjaku, pa ngjyrë heroizmi)
ikën në kërkim të atyre që duhej t'iu shëronin dhimbjen!

Në Viset e atyre nuk ka më poetë që ti këndojnë gjithë kësaj!
I fundmi poet, mbetur aksidentalisht, ngarkoi poezinë në shpinë
Në shënjë proteste hodhi përtokë një grusht shpirt përzier gjak
mori ikën drejt Boshit Universal! Me avionin e linjës, u tret në qiell!

Në qiellin gri avioni hante bijtë e një vendi t'çuditshëm!
(pa njerëz të zakonshëm, pa mjekë, pa heronj, pa poetë)
Rrugëtonte avioni si një kanibal i plagosun teksa ushqehej
me bijtë (pasagjerë -viktima) të një hiç-vendi pa qiell...

Lajmet zyrtare thonë se avioni nuk është ulë ende!

Itali, tetor 2023
 

giovedì, settembre 07, 2023

Eshtrat poezi nga E. Kaceli


Une mbas 250 vitesh! Photo E. Kaceli

Koha ka mbjellë prej mijëra vjetësh
                                                         eshtra
në zemrën e Globit
vazhdon të mbjellë...

Eshtra vërtebrorësh gjigandë, përbindëshash
Eshtra fëmijësh njomëzakë, bij nënash
Eshtra varfanjakësh të zbehtë, laviresh
Eshtra manjatësh,
                            kriminelësh,
                                               princash
Eshtra heronjsh.

Eshtra luftërash të pafundme, prè
gurësh,
           shpatash,
                         plumbash
Eshtra katastrofash, vdekjesh natyrale
Eshtra tmerresh, vuajtjesh, skandalesh
Eshtra poetësh
                       politikanësh,
                                           shkencëtarësh.

Eshtra përrallash, legjendash, të vërtetash...

Eshtrat tanë
-mbjellë skaj më skaj të Globit
nga polet e akullta
në shkretinën e Gobit!

Eshtrat tanë
Rruga jonë e së shkuarës
Rruga jonë e së ardhmes...

Shqipëri, tetor 1989 - Itali, mars 2023