Ëndërr e bardhë

Jeta? Jeta asht nje liber i mrekullueshem. Shfletoje ngadale! Shijoje duke e lexuar. Kuptoje. Dhe asnjehere mos u tundo te lexosh faqen e fundit...

Ecja nëpër një rrugë të gjatë, të pafund,

të pafund, sa jeta

Anës rrugës mjegull, asgjë nuk shihej

Ecja.

Ecja nëpër një rrugë të gjatë plot mjegull,

plot humnera rreth sajë

Ecja. Rrëzohesha.

Kacavirresha nëpër mjegullën e humnerave.

Ecja. Ecja. Ecja nëpër një rrugë të gjatë…

Të pafund sa jeta…

E.Kaceli

Rruga ime nga E. Kaceli

-Asaj që duhet t’më dashurojë

Rruga ime

Rruga ime i ngjan rrezeve të diellit

ku drita të verbon, të qorron sytë

e bukur.

Rruga ime

Rruga ime i ngjan zjarrit përvëlues

ku digjesh, digjesh si prej flakëve

të ferrit.

Rruga ime

Rruga ime i ngjan natës pa yje, pa hënë

ku të sundon, të shtyp pesha

e territ.

Rruga ime

Rruga ime i ngjan shkretëtirës paanë

ku çmendesh, çmendesh për një

pikë ujë.

Rruga ime

Rruga ime i ngjan varrit të mjegullt

ku tretesh, tretesh, bëhesh

hiçgjë.

Rruga ime

Rruga ime i ngjan pyllit të virgjër

ku hyn për të mos dalë

kurrë më.

Rruga ime

Rruga ime i ngjan…

Kujt i ngjan kaq shumë jeta ime?